順。越南牛肉粉

Open Now

Now Closed

沙田好運中心新裝修後，多了很多餐廳，今次我哋想食越南嘢，試咗呢間「順」.呢度座位都算闊落，2人坐4人卡位都幾舒適。食物方面，我哋叫了西貢脆春卷、河內番茄蟹檬、扎肉蝦餅撈檬、椰汁珍多冰。.西貢脆春卷 —炸得很鬆脆，唔油，炸得不錯；唯獨餡料內有一種食材味道比較奇怪，我哋都唔太鍾意，要沾多些魚露一齊食會比較好，但整體都ok。.河內番茄蟹檬 —番茄湯底幾好飲，唔會太酸，檬粉都幾滑；主角蟹肉就份量比較少，只有一隻蟹鉗，但沒有很多蟹肉，而且蟹肉是淡而無味的，比較失望；配料有蟹肉丸、扎肉蟹肉丸彈牙，口感不錯，但都是很淡沒有什麼調味的⋯扎肉就幾好食，肉質爽口彈牙.扎肉蝦餅撈檬 —蝦餅好好味！表面炸得香脆，肉質好爽口，有粒粒蝦肉口感，幾出色👍🏻撈檬都多生菜絲、甘荀絲，但呢度嘅魚露就唔太夠味，略嫌不夠酸。.椰汁珍多冰 —好特別，唔係普通椰汁冰，係椰汁沙冰！甜度適中，幾好飲；但綠色一條條的「珍多」就略嫌太硬身，要用牙力咬，美中不足。