Bellini (Closed)

同 friend 兩個人係團購用 $389 買24隻生蠔+ 1枝白酒+ 1個前菜。買時見到有三款蠔食，真係抵，所以買咗。今日去到發現舖位好細，兩人枱係連住一齊。洗手間喺後街，極唔乾淨，要知道依到係吃蠔嘅地方。終於到食飯時間，第一道菜就係生蠔， 不過得一款 Blue Point, 即係最平個隻。雖然我鍾意食，但係24隻同種生蠔見到都唔開胃 同一款都唔係最大問題，最大問題係啲蠔勁瘦，好多都係得返塊皮，完全食唔到肉，好似食緊雲吞皮。我見1月有人都係用同一個團購食蠔，嗰啲蠔大隻好多。唔知係唔係同一批蠔養咗兩個月所以瘦哂。白酒就麻麻地，前菜係焗法包，普普通通。如果啲蠔係正常大細，$389 算 ok，但係宜家超貴。如果有人未用團購，我覺得應該試吓退咗佢。因為蠔太細，所以叫咗個餐。前菜係一碟沙律，又係超細，又無特別。主菜係黑松露牛肉意大利飯，等咗半個鐘, 嚟咗個得拳頭咁大嘅飯，用咗唔夠一分鐘就食完。甜品- 士多啤梨慕士，完全唔無空氣係入面，似容咗嘅雪糕多啲，應該整完放咗好多日。依個餐要 $138連加一，用咗差唔多 600蚊，但係出面 100蚊都好過佢好多。仲要突登由沙田嚟食，仲要用多 30蚊食糖水先