Video
Read full review
2017-12-26
596 views
跟同事講開先知道SEASON PLUS係觀塘開左分店，之前跟佢食過尖沙咀嗰間所以今晚就過黎新店呢邊睇下有咩唔同，同埋再食多次生蠔！$198有一打生蠔及白酒一支，我地當然唔會錯過啦。之後就點多幾個下酒小菜，摸住酒杯底傾下偈順便計劃一下聖誕節有咩活動玩。12隻生蠔最先送上，全部即開即食鮮味十足。以198呢個價錢黎講，蠔身都算大隻雖然唔係十分飽滿，但入口都鮮甜裙邊好爽口海水味偏淡，所以唔加檸檬汁或辣汁都夠味。仲有支白酒配搭，呢個價錢真係抵到爛！食西餐成日聽到：紅肉配紅酒，白肉配白酒。所以生蠔配上呢隻意大利嘅白酒真係非常合適。因為佢酒味唔重帶少少花香同蜂蜜味，入口順滑同清爽。與味道都算清淡嘅生蠔，啱啱好能夠帶出彼此嘅甘甜味道。加上支酒一直係個冰桶雪住，風味更佳。蒜茸焗大蝦，同生蠔一樣有成十二隻咁多。蒜味好濃郁食落唔算太咸。蝦肉彈牙食時先吸左覆蓋係蝦身嘅蒜茸及牛油汁，再食蝦肉，惹味十足。雖然知道係用左幾多牛油去整，但個香味同味道完全覆蓋佢卡路里高嘅事實，唯有同自己講一餐半餐無所謂嘅。既然有支幾好飲嘅酒，又點可以單食生蠔同蝦咁單調？所以我地都點個牛油焗日本元貝黎佐酒。芝士雖然唔多但都做到拉絲效果，
$198有一打生蠔及白酒一支，我地當然唔會錯過啦。之後就點多幾個下酒小菜，摸住酒杯底傾下偈順便計劃一下聖誕節有咩活動玩。
生蠔拼盤(連白酒)
$198
13 views
0 likes
0 comments
12隻生蠔最先送上，全部即開即食鮮味十足。以198呢個價錢黎講，蠔身都算大隻雖然唔係十分飽滿，但入口都鮮甜裙邊好爽口海水味偏淡，所以唔加檸檬汁或辣汁都夠味。仲有支白酒配搭，呢個價錢真係抵到爛！
白酒
12 views
0 likes
0 comments
食西餐成日聽到：紅肉配紅酒，白肉配白酒。所以生蠔配上呢隻意大利嘅白酒真係非常合適。因為佢酒味唔重帶少少花香同蜂蜜味，入口順滑同清爽。與味道都算清淡嘅生蠔，啱啱好能夠帶出彼此嘅甘甜味道。加上支酒一直係個冰桶雪住，風味更佳。
岩鹽蒜蓉焗大蝦(12隻)
$98
8 views
0 likes
0 comments
蒜茸焗大蝦，同生蠔一樣有成十二隻咁多。蒜味好濃郁食落唔算太咸。蝦肉彈牙食時先吸左覆蓋係蝦身嘅蒜茸及牛油汁，再食蝦肉，惹味十足。雖然知道係用左幾多牛油去整，但個香味同味道完全覆蓋佢卡路里高嘅事實，唯有同自己講一餐半餐無所謂嘅。
芝士牛油焗日本元貝
$78
11 views
0 likes
0 comments
芝士雖然唔多但都做到拉絲效果，為免芝士凍左變硬所以都食左佢先，焗得焦脆又帶點咸香。加上元貝大大粒焗得無過老食落嫩滑又鮮甜，配上一啖白酒，滋味非常。
日本一口和牛粒
$78
6 views
0 likes
0 comments
一口和牛粒完全係下酒菜入面嘅最佳搭擋。一口大小肉味都夠而且味道炒得夠香口，點上一啲孜然胡椒粉，真係令人食唔停口。單單係呢盤牛肉都夠我地飲左兩杯。
意大利辣肉腸PIZZA
$128
8 views
0 likes
0 comments
辣肉腸PIZZA，餅底薄薄的又好脆口，茄醬同芝士比例啱啱好。焦香嘅芝士配上辣肉腸味道偏咸，但飲埋白酒就剛好中和返個味道，食完都唔會太油膩。幸好成個薄餅唔算大個，如果唔係真係食唔晒。
埋單都六百蚊有找，但呢價錢食到味道同質素都幾唔錯嘅食物，都算幾抵。加上呢度環境唔錯幾啱同朋友放工或者放過黎飲返杯，食隻蠔。
Post
