賀喜 (美孚新邨) (Closed)

好耐無食日本野，但係兩個雞仔胃又唔想食放題，搵左間日式小店撐下枱腳。入去坐低，侍應十分有禮貌👍🏻餐具有店舖名，雖然甩甩地，即係有番咁上下歷史。餐牌入面選擇好多，睇到花多眼亂😂先黎一份刺身，有我最愛嘅帆立貝同埋甜蝦，好鮮甜。再嚟一個壽司set，刺身同飯嘅比例啱啱好，再配上芥末豉油，正。呢隻蠔，我可以獨享😍係我最愛嘅海水味，但係都無損隻蠔既鮮甜味😍😍😍好似我最愛嘅fine de Claire 😍套餐既麵豉湯，唔太鹹👍🏻再嚟過叉燒蛋包飯，切開中間仲有少少係滑蛋，入邊嘅叉燒切到大小剛好，而且10分足料👍🏻呢個師傅親手製嘅南瓜露甜品，真係不得之了咁好食！難得我朋友唔鍾意食南瓜嘅，都食晒。