蛇王海 (Closed)

今日睇睇下電視節目講開蛇，突然間好想食蛇羹，但通常食蛇既鋪頭都係開係啲舊區多，新發展既市鎮好少會有，不過好彩馬鞍山有一間「蛇王海」係到，所以就梗係即刻飛奔去啦，去到果時大約夜晚九點幾好彩未收鋪，如果唔係摸門釘。餐廳面積唔算大只有一張枱比顧客堂食，而且餐牌選擇亦唔多得幾款揀，不過都唔係重點，最梗要係足料好食就已經夠 ; 叫咗太史五蛇羹套餐 ($103)。細蛇汁糯米飯 : 雖然係叫細碗，但份量真係好多，糯米飯乾身又夠香，而且又煙韌。👍🏻 👍🏻太史五蛇羹 (大) : 有木耳、雞肉、蛇肉等等勁多料，而且蛇肉大條厚身，食到最後重有料係碗底添 😍 味道不錯，雖然勁多料但係一啲都唔杰。👍🏻 👍🏻