蛇竇茶記 (德輔道西)

Open Now

Now Closed

「蛇竇」都開咗好耐，嚟過西環唔少次，成日心思思想試但唔係經常嚟食。因為一時可以好多空位坐、一時可以全店滿座。今晚嚟碰一碰運氣，睇吓有冇位，好彩有。其實間餐廳裝修都幾企理，不論外牆地板餐牌都可見有着獨特嘅格調、連座椅都係用彷木料。而主餐牌除咗供應一般茶記都有嘅炒粉麵飯外，仲有自選湯底+餸菜嘅麵，不過今晚嘅是日晚餐有一道名叫「咕噜三色球」，一問之下「三色球」係指雞、魚、豆卜。聽落都幾吸引，而且呢度小菜套餐係跟餐飲而唔係例湯，啱哂我，一於試下。一睇個小菜，其實都覺得掂，起碼唔會成碟都係油或者汁多過餸。先試三色球 ─ 食得出雞有少少醃味、幸好沒陣陣冰鮮雞雪藏味；魚都係一般魚柳；豆卜如是，稍為硬咗啲；三色球炸得香脆、熱辣辣、炸粉適中，一啲都唔油膩。而三色球份量亦係各佔三分一，冇邊一樣特別多或少（有啲餐廳會放多啲平又易整嘅食材，好似豆卜）。至於配菜如洋葱、青椒、菠蘿亦都有咬口，唔會太生太熟、或者太硬太淋。不得不讚嘅係呢個菜嘅甜酸汁：食呢啲咕嚕球，好唔好味嘅關鍵在於個甜酸汁，而我本身更加唔鍾意食得太酸。而呢個汁唔會過甜或過酸，應該話兩種味道融為一體，令成道菜生色哂。美中不足嘅係，部電視機放得又高、畫