Red Rice 米飯主題餐廳 (億利工業中心)

Open Now

Now Closed

八年前曾經短時間住過長沙灣，當時好鍾意去樓下間 Red Rice 食嘢，因為價廉物美，性價比高。估唔到八年後 Red Rice 成為咗燒山集團嘅其中一員😂。呢度嘅 menu 選擇好多，記憶中佢嘅蛋包飯幾好食，所以今次就叫咗個巨人漢堡蛋包飯配黑椒汁。碟飯一上枱，果然好 “巨”：長型嘅碟分成三部份，左邊係厚切漢堡扒，中間係蛋包飯，右邊就係沙律菜，齋睇都覺得好豐富🤗。味道方面，沙律菜雖然係普通貨色，但尚算新鮮，配埋胡麻醬汁，幾開胃；蛋包飯隻蛋炒得嫩滑有蛋汁，唔錯👍，值得一讚嘅係入面啲飯底用咗茄汁嚟炒，酸酸甜甜，味道唔會寡；至於塊漢堡扒都幾大塊，味道正常，配埋黑椒汁，送飯一流😋。個飯真係好大碟，食完之後飽到上心口😆，所以女士幫襯嘅話，可以考慮叫少飯，咪做大嘥鬼。