Video
Read full review
2019-09-21
638 views
終於有機會去到母校附近既「生原創蛋包飯」一試🍳🍚對蛋包飯係有份痴迷🤤應該係青少年時代迷上佢既獨特質感, 既軟滑又有內饀; 呢份感情大概係少男迷上輕熟女既道理❤️ 門口密麻麻既海同報導都及唔上個「蛋」字招牌, 唔駛CHECK IP都知佢賣乜📶入到黎有黃色既燈光似浸淫係蛋黃中間💛坐低後一望, 不得了, 係黑膠唱碟呀🎶老闆竟然犠牲珍貴既一大片店面黎放左成枱音樂架, 兩部黑膠機加埋個MIXER🔊 係哥哥既歌聲中, 視線一掃, 餐廳入面極多以蛋為題材: 壁燈、吊燈、牆裝飾🥚老闆充份係舖頭展現自我風格, 呢種情懷大概係香港昂貴租金下, 係做食肆既小確幸💕 午市MENU極簡單, 四飛飯加個沙律餐飲, 我諗係對應番附近學校午市既需求👨🏫中間既牛肉炒飯更加有埋個學生價。周六差兩點半先黎, 包場咁滯, 等咗10分鐘左右有得食✔️ 牛肉蛋包飯跟咖喱汁係皇道🍛湖水藍既碟面, 啡色既咖喱攔腰咁間開蛋包。黃黃既蛋包飯切開後係混合牛肉汁既米飯。略嫌飯身有少許硬, 但醬、飯、滑蛋撈埋一齊入口, 錯綜複雜既味道但又混淆不清就係蛋包飯既特色✔️ 另一個白汁吉列豬蛋白飯無咖喱牛既不羈。白汁帶住乖巧既芝士味🧀 老老實實咁伴住蛋入
門口密麻麻既海同報導都及唔上個「蛋」字招牌, 唔駛CHECK IP都知佢賣乜📶入到黎有黃色既燈光似浸淫係蛋黃中間💛坐低後一望, 不得了, 係黑膠唱碟呀🎶老闆竟然犠牲珍貴既一大片店面黎放左成枱音樂架, 兩部黑膠機加埋個MIXER🔊 係哥哥既歌聲中, 視線一掃, 餐廳入面極多以蛋為題材: 壁燈、吊燈、牆裝飾🥚老闆充份係舖頭展現自我風格, 呢種情懷大概係香港昂貴租金下, 係做食肆既小確幸💕
午市MENU極簡單, 四飛飯加個沙律餐飲, 我諗係對應番附近學校午市既需求👨🏫中間既牛肉炒飯更加有埋個學生價。周六差兩點半先黎, 包場咁滯, 等咗10分鐘左右有得食✔️
牛肉蛋包飯跟咖喱汁係皇道🍛湖水藍既碟面, 啡色既咖喱攔腰咁間開蛋包。黃黃既蛋包飯切開後係混合牛肉汁既米飯。略嫌飯身有少許硬, 但醬、飯、滑蛋撈埋一齊入口, 錯綜複雜既味道但又混淆不清就係蛋包飯既特色✔️
咖哩牛肉蛋包飯
$60
33 views
0 likes
0 comments
另一個白汁吉列豬蛋白飯無咖喱牛既不羈。白汁帶住乖巧既芝士味🧀 老老實實咁伴住蛋入面既白飯, 面頭既炸豬扒, 可惜未因為飯既老實而成功, 帶點韌, 難咬開❌
白汁吉列豬扒蛋包飯
$68
31 views
0 likes
0 comments
一個LATE LUNCH, 係中音甜, 低音準既哥哥歌聲下, 盛惠130蚊。食物尚可👌環境無得輸💯加埋蛋包飯既矜貴, 希望長做長有🤗
Post
