Bread, Espresso & (Closed)

佢開業已經有一段日子小編一直都好想試，不過小編懶只好一拖再拖。但係小編今日終於試到喇，吐司等左15分鐘終於有得食啦，配上意大利槐花蜜，簡直就係為吐司提升左一個層次。吐司屬於有少少係梳乎厘嘅口感，食過蛋香味真係激重，而且佢個吐司邊亦十分香脆，底層仲有啲焦糖喺度添。另外佢個花蜜啲都好香甜。真係令人一試難忘丫！好彩小編去嗰日係平日，即使四點鐘都仲有得試。注意：招牌法式吐司由晏晝三點開買至五點，而且每日只係限售30份。