Video
Read full review
2008-11-04
90 views
噚日下晝同屋企人因事出佐敦，當然唔會錯過順便去澳洲食炒蛋嘅機會啦，每次行過記番起佢啲炒蛋，就自自然然想再食多次重溫一下美夢，實在太豐厚太嫩滑，令人難以忘懷！去到門口，要排隊喎！佢實在太紅，太多人識又太多人食啦！不過因為入面啲伙記個個都有 turbo 手，等位都係超快，而且好少人入去可以坐多過二十分鐘，入座快，上嘢快，收嘢快，連埋單個阿姐都咁快，確實犀利！唔駛一陣，我哋已經坐咗喺入面嘞！成間舖充斥住伙記同食客嘅各種聲音，好熱鬧亦好嘈，呢啲就係澳洲嘅特色！都係做咗正經嘢先，我哋叫咗： 蛋白燉鮮奶：一向唔鍾意奶類食物，但係呢個甜品就好得我心，差唔多係我而家惟一接觸奶嘅食物，又白又滑又充滿奶香，熱食最好由面一下一下片食到底，唔係好易凍！凍食就冇所謂，熱天，梗係食凍啦！ 快餐：茶餐同佢都出晒名勁多人叫，呢兩個餐改乜都得唔駛加錢，只要同類就可以，好鬼貼心！我將牛油方飽改做多士，將煎雙蛋改做炒蛋，餐飲要咖啡，好多客都係咁改，啲伙記亦都會問你，所以唔駛唔好意思。多士熱辣辣又夠厚身，好有質感，蛋仲係做得咁好，有好多蛋汁，又香又嫩滑，將啲炒蛋放上塊多士上面一齊食係我覺得最完美嘅食法嘞！多士索咗啲蛋汁再喺口
噚日下晝同屋企人因事出佐敦，當然唔會錯過順便去澳洲食炒蛋嘅機會啦，每次行過記番起佢啲炒蛋，就自自然然想再食多次重溫一下美夢，實在太豐厚太嫩滑，令人難以忘懷！去到門口，要排隊喎！佢實在太紅，太多人識又太多人食啦！不過因為入面啲伙記個個都有 turbo 手，等位都係超快，而且好少人入去可以坐多過二十分鐘，入座快，上嘢快，收嘢快，連埋單個阿姐都咁快，確實犀利！唔駛一陣，我哋已經坐咗喺入面嘞！成間舖充斥住伙記同食客嘅各種聲音，好熱鬧亦好嘈，呢啲就係澳洲嘅特色！都係做咗正經嘢先，我哋叫咗：
蛋白燉鮮奶：一向唔鍾意奶類食物，但係呢個甜品就好得我心，差唔多係我而家惟一接觸奶嘅食物，又白又滑又充滿奶香，熱食最好由面一下一下片食到底，唔係好易凍！凍食就冇所謂，熱天，梗係食凍啦！
快餐：茶餐同佢都出晒名勁多人叫，呢兩個餐改乜都得唔駛加錢，只要同類就可以，好鬼貼心！我將牛油方飽改做多士，將煎雙蛋改做炒蛋，餐飲要咖啡，好多客都係咁改，啲伙記亦都會問你，所以唔駛唔好意思。多士熱辣辣又夠厚身，好有質感，蛋仲係做得咁好，有好多蛋汁，又香又嫩滑，將啲炒蛋放上塊多士上面一齊食係我覺得最完美嘅食法嘞！多士索咗啲蛋汁再喺口入面轉，多士嘅香脆，蛋嘅滋味.......出面幾嘈我都聽唔到囉！
講真而家真係好少餐廳塊蛋仲可以整得咁好，朝早有時食啲蛋治啲蛋真係乾晒架！所以我始終覺得呢度啲蛋真係好得！唔返嚟食就真係唔得！
Post
