INFINITI C (海運大廈) (Closed)

Infiniti C主打純素、生酮食品，當日去尖沙咀海運大廈分店時本來想試佢哋嘅toast，點知當日冇供應，所以就試咗蛋糕。我哋叫咗2款蛋糕，一款係生酮、一款係純素，質感上2款蛋糕冇太大嘅分別，都係偏實，感覺似浸濕咗嘅麵包，冇一般蛋糕咁鬆軟。蝶豆花伯爵茶蛋糕 Blue earl grey ($72)底下嘅伯爵茶蛋糕味道少少似薑，唔會太甜。純素芝麻蛋糕 Sesame vegan cake ($72)好香濃嘅黑芝麻味，似食緊芝麻糊，比伯爵茶蛋糕甜。