Video
Read full review
2020-03-26
3964 views
One Little Room 由攝影師 Eddie 經營，偉業街呢間舖已經係第四代，由第一間喺觀塘工廈入面嘅 Latent Image by Eddie Chan，到第二，三間嘅紅磡同觀塘海濱店，我都有食過，印象最深刻始終係第一間，因為當時間店係集 cafe 同 studio 於一身，一邊歎啡，一邊欣賞攝影作品，非常好 feel ❤️。偉業街店沿用紅磡店嘅裝修風格，牆身貼滿金庸作品，天花板吊住好多書籍，成間店非嘅裝修好有特色。除此之外，店外玻璃亦貼咗好多自舊年六月以來嘅珍貴新聞照片，張張有血有淚，吸引唔少人駐足欣賞。呢度最多人食嘅肯定係西班牙蛋餅，有傳統同三文魚兩款，我比較鍾意食傳統，因為最能夠食出薯仔嘅香味。蛋餅上枱時非常新鮮熱辣，面頭烘得燶燶哋好似有啲乾，切開咬一口，估唔到入面咁 juicy。蛋餅主要材料包括芝士，蛋，薯仔，煙肉，甜椒，洋蔥，蘑菇，煙三文魚等，味道豐富，口感更豐富👍。我超鍾意食 Parma Ham，所以又叫咗個羅勒醬巴馬火腿意粉，雖然 Parma Ham 偏鹹，羅勒醬味道亦頗濃，可惜個意粉煮得比較淡口，如果落多少少鹽就更加好啦😂。當晚晚餐嘅甜品係熱情果蛋糕，味道偏酸
偉業街店沿用紅磡店嘅裝修風格，牆身貼滿金庸作品，天花板吊住好多書籍，成間店非嘅裝修好有特色。除此之外，店外玻璃亦貼咗好多自舊年六月以來嘅珍貴新聞照片，張張有血有淚，吸引唔少人駐足欣賞。
呢度最多人食嘅肯定係西班牙蛋餅，有傳統同三文魚兩款，我比較鍾意食傳統，因為最能夠食出薯仔嘅香味。蛋餅上枱時非常新鮮熱辣，面頭烘得燶燶哋好似有啲乾，切開咬一口，估唔到入面咁 juicy。蛋餅主要材料包括芝士，蛋，薯仔，煙肉，甜椒，洋蔥，蘑菇，煙三文魚等，味道豐富，口感更豐富👍。
我超鍾意食 Parma Ham，所以又叫咗個羅勒醬巴馬火腿意粉，雖然 Parma Ham 偏鹹，羅勒醬味道亦頗濃，可惜個意粉煮得比較淡口，如果落多少少鹽就更加好啦😂。
當晚晚餐嘅甜品係熱情果蛋糕，味道偏酸，係我鍾意嘅口味。我一邊食，一邊細閱牆上面嘅神鵰俠侶，成個人當堂充滿文化氣息😌。
Post
