Urban Coffee Roaster (Closed)

今次專程嚟品嚐佢嘅法式焦糖pancake，望到佢滿到瀉嘅吉士醬，三層高嘅厚pancake，夠晒邪惡👅法式焦糖𝚙𝚊𝚗𝚌𝚊𝚔𝚎🥞 $108有別於平時食開嘅疏乎厘pancake，呢度嘅質感比較厚實，反而蛋黃味特別香濃，口感更加濕潤，食落會有啲醬住個口，淡淡都係滿足嘅感覺💋不過法式焦糖醬偏甜，有啲膩，同埋略嫌面頭燒得唔夠焦，做唔到焦糖嘅口感。日式燒牛腹肉飯配溫泉蛋🐮🥚 $178日式燒牛腹肉飯反而有驚喜，首先牛肉嘅份量好多，半生熟嘅牛肉舖滿成個飯，雖然有部份望落好似好生，但食起黎一啲腥味都冇👍🏻，唔洗擔心。吉穿溫泉蛋嘅蛋黃漿撈埋珍珠米，清淡嘅調味已經足夠。炸單骨雞翼配蛋黃醬🍗 $88最後嘅炸單骨雞翼就有點遜色😔，雞翼炸得太乾，皮硬。本身雞翼冇乜調味，係要配蛋黃醬食先得🤨整體食物質素不錯，環境都算清新，只係座位之間空間比較細。