馬師傅菜館 (Closed)

今日又同爸爸媽媽一齊出去食晏下晝佢哋都係鍾意飲茶今日咁啱去開呢頭就試吓呢間餐廳佢有點心又可以嗌小菜 有午市套餐又有正常餐牌所以揀嘢食都揀咗好耐哈最正嘅係佢冇加一㗎 而家都好少尤其係飲茶例牌嘅燒賣蝦餃我哋都有食正常水準不過不失燒賣都幾大粒幾有口感牛肚都好好食 😋 見到呢度叉燒好似出名就食左叉燒飯佢好特別用蜜糖淋喺叉燒上面我哋叫咗叉燒 嗌咗肥叉真係全部都好肥叉燒好林又唔鞋口撈埋蜜糖真係好正我最鍾意食甜所以好鍾意❤️另外嗌咗一個三鮮炒麵個面炒得好好呀色澤好靚 個味啱啱好唔會過鹹或好淡熱辣辣轉下眼就已經掃晒🤪小食就試咗椒鹽九肚魚 拎上枱熱辣辣㗎 份量好足夠 外脆內軟 食極都有嘅感覺 😂