Video
Read full review
2019-07-25
38 views
点心代表又轉新主題啦！今次係鬼鬼馬馬既蠟筆小新🤩！雖然前年已經做過小新主題，但今次主題配合埋2020東京奧運，所以會見到好多做緊運動既小新🏋♀⚽🥊。．点心代表每一次既主題佈置都做得非常認真✨，換餐具、餐牌不在話下，又有小新同朋友仔既紙牌可以滿足你既影相癮，仲有限量既小新扇派‼，連餐廳到處都充滿小新既海報，勁色彩繽紛💐，門口仲可以小新同小白合照添🥰。-蝦蝦霸霸鮮蝦餃 $59上次小櫻主題我都有捧場，不過就覺得點心皮有啲厚🤪，今次小新主題改善哂，做到皮薄餡靚既效果👏🏻，混入左豬油渣既豬肉餡一如既往咁好食，蝦又夠爽口彈牙，又夠新鮮熱辣，好鬼惹味🤤。-不理不理左衛門流沙包 $49蛋黃餡起哂沙，真係好似流沙咁瀉出黎😳，又香奶味，熱辣辣食好正。流沙包做得唔錯，其實仲好想叫埋朱古力流沙包，可惜太飽🤧。-原隻鮑魚雞粒燴飯 $109呢個價錢有三大粒鮑魚好抵食👍🏻！份量都夠兩至三個人食架，飯底預先炒香左，配濃濃既雞汁食好快清哂！-雞肉鹹水角 $59本身對佢無乜期望，但原來好好食呀🥰！即使放左一陣先食都仲保持到外脆內軟既效果，外皮香糯酥脆，口感煙韌，轉左做雞肉餡更加有口感🤩。-原隻鮑魚燒賣 $79鮑魚比上次
．
点心代表每一次既主題佈置都做得非常認真✨，換餐具、餐牌不在話下，又有小新同朋友仔既紙牌可以滿足你既影相癮，仲有限量既小新扇派‼，連餐廳到處都充滿小新既海報，勁色彩繽紛💐，門口仲可以小新同小白合照添🥰。
-
蝦蝦霸霸鮮蝦餃 $59
上次小櫻主題我都有捧場，不過就覺得點心皮有啲厚🤪，
今次小新主題改善哂，做到皮薄餡靚既效果👏🏻，混入左豬油渣既豬肉餡一如既往咁好食，蝦又夠爽口彈牙，又夠新鮮熱辣，好鬼惹味🤤。
-
不理不理左衛門流沙包 $49
蛋黃餡起哂沙，真係好似流沙咁瀉出黎😳，又香奶味，熱辣辣食好正。
流沙包做得唔錯，其實仲好想叫埋朱古力流沙包，可惜太飽🤧。
-
原隻鮑魚雞粒燴飯 $109
呢個價錢有三大粒鮑魚好抵食👍🏻！
份量都夠兩至三個人食架，飯底預先炒香左，配濃濃既雞汁食好快清哂！
-
雞肉鹹水角 $59
本身對佢無乜期望，但原來好好食呀🥰！
即使放左一陣先食都仲保持到外脆內軟既效果，外皮香糯酥脆，口感煙韌，轉左做雞肉餡更加有口感🤩。
-
原隻鮑魚燒賣 $79
鮑魚比上次更加大粒，口感嫩滑有咬口，非常入味。
-
咸牛肉芝士西多士 $69
上次唔夠肚食埋西多，有啲飲恨，今次終於食到😎。
新鮮炸出黎其實唔會難食得去邊，配咸牛肉餡可以令到西多士無咁寡，
不過我覺得楓糖漿有啲濃味🍯，有少少搶走左西多士既鹹香味。
（反而我覺得糖霜小新威化餅出奇地幾好食🍭）
-
小新舉鐵炸雲吞 $59
見佢個樣好得意就叫左，可惜黎到個陣小新有一邊鐵舉唔到🤪，
同佢舉到勁辛苦既表情好夾！炸雲吞好足料，成粒大蝦做餡，爽口彈牙，
炸得又夠脆，配泰式辣醬食多幾粒都仲得🥳！
-
合家歡草莓大福 $59
呢個有驚喜呀，豆沙餡微甜帶豆沙香😋，大福口感香滑軟糯，煙煙韌韌🍡，
配上酸酸甜甜既日本士多啤梨🍓，好滿足呀！
-
足球原味椰皇 $49
未送到上枱已經聞到好香既椰皇😍，
椰皇非常清甜😋，不過略嫌質感唔夠滑。
-
動感屁屁奶凍 $49
一場黎到，點可以唔打下小新個PatPat🥳！震騰騰咁好得意呀！
我打左好耐先捨得食佢haha！奶凍Q軟彈滑，牛奶味非常香🍼！
-
原個菠蘿特飲 $59
比起上次小櫻主題更濃味，亦都食到唔少果肉🍍，
同埋今次甜度適中，解暑一流🏄♂！
-
鮮芒果特飲 $42
即係芒果益力多沙冰，芒果味濃🥭，唔會係個種好假既香精味，
甜度亦適中，配益力多酸酸甜甜可以消膩🥳。
-
雖然距離食小櫻個一次唔係好遠，
但今次小新主題既點心質素明顯再提升左🥰。
之前都會以為呢啲主題餐廳會‘好睇唔好食’，
但点心代表就證明到，主題餐廳既食物質素都可以又睇得又食得👏🏻👍🏻！
-
‼蠟筆小新主題由7月16開始會做三個月，
想去既我建議可以上網訂左位先🤓，
因為星期六日都幾旺場，我食到四、五點都仲見到有人排隊👥。
Post
