茶跡 (Moved) New Location

香港嘅天氣真係周圍都好悶熱，成日都會覺得好口渴，想飲番杯凍飲，位於尖沙咀金巴利道嘅呢間專賣茶飲嘅小店，距離尖沙咀地鐵站大概8分鐘步程，就喺韓國街入邊，除咗美中不足外面有街道維修有少少嘈，其實開放式嘅門口位可以更親近街道同行人，錯落重有種懷舊嘅感覺，店舖入面不停播放港式懷舊嘅經典流行金曲，非常貼地🤭以黃色階磚白色階磚襯托出鮮明嘅外牆，在粉藍色配白色嘅街磚鋪地下，有種夏日嘅繽紛感覺。店舖主要有兩張圓枱同鐵凳，就算唔係買外賣都可以坐喺店舖度嘆番杯特飲，可以幫繁忙嘅都是人安心咁靜一靜，欣賞埋街道行人行過嘅景色，感受香港嘅傳統情懷。店舖仲有兩隻鎮店之寶大公仔，周圍仲貼咗啲海報，增加佈置嘅感覺。店員強烈同極力嘅推介下，本來都想試吓其他飲品，最後都跟返店員點咗招牌手打香水檸檬茶同百香果益力多。香水檸檬茶果然非常冰涼，一般嘅甜度對唔太飲甜嘢嘅，我嚟講都覺得唔太甜。百香果益力多螞蟻人必點，就算走糖都非常足料，濃烈嘅甜益力多味道配搭百香果。