蟹仙海鮮蒸氣鍋 (Closed)

昨晚朋友生日🎂諗住同佢喺元朗搵餐好野食。加上我老友鍾意食海鮮。卒之同佢去咗好出名嘅蟹仙海鮮蒸汽鍋試一試。因為我哋冇訂位。所以要等咗半個鐘先入得去。但係如果好食就冇所謂啦。見到佢哋門口個招牌餐牌又真係幾吸引。我同老友選擇咗298元嘅套餐。見到佢哋嘅海鮮都好新鮮先嚟加一個豬骨粥嘅底。呢隻蟹真係不得了。啲蟹膏又肥美又鮮甜仲啖啖肉。真係食多一隻都唔夠喉。再嚟半隻開邊龍蝦。啲肉的確彈牙爽口。佢哋嘅粟米都好鮮甜。最後食埋佢呢個粥底和糖水。成餐都尚算圓滿。但係有一點覺得唔太抵。就係原來埋單除左加一之外。仲會有多一個星期六日嘅附加費56元....所以食咗兩個298嘅套餐。埋單就要740元....