王家沙 (Closed)

今次去到紅磡行街街見到有間王家沙好耐都冇食過所以見吾洗等就入左去試下！～黎到當然要食小籠包再加其他野食啦。首先黎左個小食先，蔥油紅蜇頭，紅蜇頭原來吾係好紅，但竟然超爽口同好有海蜇香加上芝麻味，驚喜好味又抵食，份量堅多，下面有青瓜味入左海蜇香好味道又夠脆口。之後香呼呼的蟹粉小籠包到啦！～小籠包分量都好抵食，蟹粉多又多湯。如果醋多點就更好。而魚湯蒜子菜心，菜心煮得好淋入味，菜心冇魚湯都有魚湯味吾係味精湯，但蒜子偏少，如果多點會更好。主菜的京䓤爆羊肉，京䓤偏多但好香口，吾咸淨食都冇問題！～而且羊肉薄又嫩口，仲有4片薄餅附送可以包一起吃，其實每人2片都己經好飽又抵食。待應速度快手同價錢其實都抵食。