漁之部屋 (Closed)

最鐘意就係食放題啦！因為放題入面夠多野食，同咩Friends去都總有心水選擇，解決晒所有人既喜好，唔洗煩！今次同朋友黎到呢間漁之部屋食放題，質素唔差呀！ 去得放題，梗係瘋狂食刺身。第一盤就有三文魚、拖羅、吞拿魚、蟹腳。刺身勁新鮮，平時去個D放題餐廳都淨係得吞拿魚食，冇諗過呢度都有拖羅食，真係好Surprise！油分豐富，夠晒肥美！ 仲有漁之部屋既蟹腳，個蟹鉗超多蟹肉！！真係勁正囉～出面食過既蟹腳，D肉得勁少，一啖就食晒。比起呢度既蟹腳夠晒足料，淨係食蟹腳都抵呀！一定要點！推介推介！ 火焰大蝦芝士燒，雖然有少少凍左，但係芝士痴左落大蝦度，一放到入口D芝士同蝦個味道勁Match！ 除左有罐裝飲品外，漁之部屋都有特式飲品～好似日本梅酒，細細杯飲都幾好架！ 因為我真係太中意食刺身啦，我發覺得完全冇點過燒物同熱食，幾乎每次都係點刺身。雜錦刺身沙律連埋D菜，有埋D蛋、蟹柳、吞拿魚粒、三文魚粒，都幾清新！ 最後食甜品～食左個迷你香蕉船，真係幾Mini，不過都好既，廢事浪費呀嘛！