樂湯雞麵館 (白楊街) (Moved) New Location

某雜誌介紹過呢間砂雲吞雞, 今日又想清清地食粉麵, 就黎呢度食, 離太子站都幾遠, 位置有d不便, 去到發現竟然要每人最低消費$50, 街坊店黎講好少見, 見到店內衛生情況麻麻, 食物都好一般, 感覺中伏, 無下次。藥膳醉雞配刀削麵$48: 伏味指數爆燈, 湯非常鹹, 除左鹹味外搵唔到其他味道, 連帶刀削麵都鹹埋, 醉雞好肥, 脂肪比例太高, 少肉食。砂窩雲吞雞配新竹米粉$59: 非常之熱, 要等好耐先食得, 個湯比藥膳好d, 有d雞香, 新竹米粉比一般米粉無咁快吸水, 材料偏少, 得2隻雲吞, 2條菜, 2-3件雞, 雞亦都係少肉, 性價比一般。