Victoria Restaurant

Open Now

Now Closed

星期五晚收工之後去咗花墟睇花盆栽，買咗啲靚嘅盆栽🪴，然後附近搵嘢食，好多餐廳終於揀左呢一間餐廳係新開嘅分店入去試下啦！去到嘅時候剛剛坐滿座要排隊等咗10分鐘左右就到我哋。 我哋兩個叫咗帝王蟹棒天使麵、香草醬燒牛肉意粉、羅宋湯、忌廉湯，見到呢餐廳嘅裝飾都幾特別啲燈飾好靚係一啲吊燈形式，對面果間餐廳啲裝修同呢間一樣，分店就係對面兩間都爆場，餐廳內見到隔離左右都係一啲熟客 ，服務員都同佢哋打招呼好似經常都有去幫襯咁，應該好多都係街坊黎食。好快餐湯就到咗，當然我哋一齊都會互相試下兩個湯啦，羅宋湯個味道好濃沃，忌廉湯都好味😋唔會太稀或者 太傑 ，好快兩個主菜就到喇，蟹棒天使麵個蟹棒唔會太淋煎得啱啱好好味，不過天使麵啲醬汁多咗少少傑身左味道都可以，香草醬燒牛肉就啱啱好，鮮嫩唔會太熟，意粉爽口彈牙唔會太淋，牛肉燒得啱啱好好味😋 餐飲我哋叫咗檸水同凍奶茶，檸水嗰個玻璃杯好靚幾有特色。呢間餐廳雖然貴過隔離紅橋少少，但食物質素好啲，但價錢都算平所以有街坊都會經常黎開餐都好正常。