葉香留

Open Now

Now Closed

今日係灣仔區遊走左大半日，係返屋企之前都會想幫個人清一清熱🙈想去再飲吓由細飲到大嘅街邊涼茶，由2000年我係灣仔區讀書印象中果陣7蚊碗，到依加已經加價至14蚊碗(依加轉佐紙杯裝)，諗返起都覺得好誇張😆但我都仲會好支持依度嘅野葛菜水，可能係情意結嘅關係，因為原來我屋企人同朋友都不約而同飲左尼間嘅野葛菜水好耐😆講真大部分涼茶俾我嘅感覺都唔好，又苦又中藥味，原本想清熱吓諗諗吓d苦味都唔想飲，但野葛菜水又出奇地令我無尼種反感，因為佢無大部分涼茶嘅苦味中藥味，反而好易入口，清甜回甘😋今次我直接買佐33蚊支裝同屋企人一齊share，感覺重甜美佐🤣鋪頭外觀基本上同20幾年前差不多，保留佐果份人情味，令我哋去到灣仔就諗起尼間野葛菜水，即刻就想清吓熱，回一回味。