桂林米線

Open Now

Now Closed

沙田廣源市場入面有條小型美食街，可以搵到唔同種類既熟食鋪頭，價格親民，好適合住喺附近既街坊黎醫肚。今次就揀左食呢間酸辣米線，佢同隔離既川香閣好似係同一個老細(?)，落單後見到姐姐去隔離拎食材😂。 🍴酸菜豬軟骨腐竹米線$3535蚊大大碗，價錢比起好多連鎖店更抵，肉既份量又多，好欣賞佢有配埋蔬菜添。湯底係重口味既酸辣湯，酸菜、花生同其他香料都落得唔手軟，酸味辣味都好刺激，重口味人士一定鐘意。而豬軟骨既肉質就時好時壞，我第一次買係超軟腍，但第二次就比較韌呢🙈。 🍴酸菜餃子腐竹米線$35呢碗同上面嗰碗一樣，只係轉左做餃子。餃子皮滑，入面係白菜豬肉餡，似上海雲吞feel。 整體黎講係幾驚艷既，賣相吸引，份量勁多，次次食完都要攤喺度🤣，質素唔係話超級好，但價錢真係抵到爛👍👍。鋪頭仲有其他川菜小吃選擇，啱晒鐘意食辣既人。