Video
Read full review
2022-07-04
1124 views
全港最出名嘅酒樓 相信非富東閣莫屬啦💛當中片皮鴨一定係必食 星期六晚飯時間人山人海 果然預早兩星期訂枱係必須嘅😎🔺4-6人套餐 (一至五$688｜六日$708)🔸片皮鴨 1食落咗單好快就上咗包肉嘅皮上嚟而片皮鴨隔咗十五分鐘先上 嚟到嘅時候皮都已經半涼狀態 唔夠熱夾住食都覺有少少遜色 講返主角片皮鴨 上枱時賣相都可以接受肉佔嘅比例都比較多 食落外皮唔夠脆 配料青瓜同京蔥望落都幾唔新鮮 懷住失望嘅情況之下都係食咗兩嚿就放棄咗🔹粟米魚肚羹味道正常 但個羹稀到似粟米湯多啲…🔸蒜蓉蒸海邊蝦蒜蓉同蝦呢個配搭點都唔會伏嘅🔹椒鹽焗肉排份量都幾多 排骨粒炸得偏乾 再加埋椒鹽的確係幾惹味🔸菠蘿咕嚕肉其實味道冇乜大問題嘅 但咕嚕肉應該炸起一段時間 所以咬落偏乾柴 得個汁係微暖 🔹上湯野菌浸時蔬全枱都係肉嘅時候 真係要食多2條菜😂🔸椒鹽豆腐 HKD98平日嘅椒鹽豆腐可以當小食咁嗌但週末只可以叫例牌豆腐一口大細 個粉漿加入芝麻搞到外觀有啲奇奇怪怪咁 雖然係椒鹽 但食落反而偏淡(埋單見到要$98覺得有啲overprice🫣)💬平心而論 有希望就有失望 食物質素只係一般般 但呢個價錢嚟講真係非常扺食 講緊坊間一份片
當中片皮鴨一定係必食
星期六晚飯時間人山人海 果然預早兩星期訂枱係必須嘅😎
🔺4-6人套餐 (一至五$688｜六日$708)
🔸片皮鴨 1食
落咗單好快就上咗包肉嘅皮上嚟
而片皮鴨隔咗十五分鐘先上 嚟到嘅時候皮都已經半涼狀態 唔夠熱夾住食都覺有少少遜色
講返主角片皮鴨 上枱時賣相都可以接受
肉佔嘅比例都比較多 食落外皮唔夠脆 配料青瓜同京蔥望落都幾唔新鮮 懷住失望嘅情況之下都係食咗兩嚿就放棄咗
🔹粟米魚肚羹
味道正常 但個羹稀到似粟米湯多啲…
🔸蒜蓉蒸海邊蝦
蒜蓉同蝦呢個配搭點都唔會伏嘅
🔹椒鹽焗肉排
份量都幾多 排骨粒炸得偏乾 再加埋椒鹽的確係幾惹味
🔸菠蘿咕嚕肉
其實味道冇乜大問題嘅 但咕嚕肉應該炸起一段時間 所以咬落偏乾柴 得個汁係微暖
🔹上湯野菌浸時蔬
全枱都係肉嘅時候 真係要食多2條菜😂
🔸椒鹽豆腐 HKD98
平日嘅椒鹽豆腐可以當小食咁嗌
但週末只可以叫例牌
豆腐一口大細 個粉漿加入芝麻搞到外觀有啲奇奇怪怪咁 雖然係椒鹽 但食落反而偏淡
(埋單見到要$98覺得有啲overprice🫣)
💬平心而論 有希望就有失望 食物質素只係一般般 但呢個價錢嚟講真係非常扺食 講緊坊間一份片皮鴨都起碼二三百幾 套餐又有湯又有海鮮又有肉 絕對係平民首選🙌🏻
💰人均$270/人 (連酒水)
🚩富東閣海鮮酒家
沙田瀝源街6號瀝源廣場1樓5號舖
Post
