81手工餃子

Open Now

Now Closed

今日餃子癮起，係元朗搵下有咩餃子店，見佢既食評好壞參半，膽粗粗入去一試。本身食開觀塘既滾餃，如果用滾餃嚟做benchmark，咁呢間就被比下去既。但係作為街坊小店，我覺得收貨有餘。今日叫左煎餃雙併- 韮菜豬肉餃併京蔥羊肉餃，另外加上海麵。餃子有足料，煎得亦都好香，麵係普通貨，配老火湯底。湯底偏淡同埋唔夠熱，所以成碗麵都唔熱。其間好多人嚟買生餃，可見街坊都幾鐘意佢d餃子。之於講到服務，基本上同茶餐廳一樣冇分別，不過幫襯呢啲小店除咗食物，服務冇乜要求可言吧。