樂粥本 (Closed)

夜媽媽唔夠飽，補一補個肥肚腩，街坊小店不二之選。今次揀左呢間粥店，因為開得比較夜。揀左我既至愛，蛋艇炸兩。街坊野，料都係果d，足料最緊要，睇野！一野隊落去唔少野係入面。粥底正常，綿滑。料都係正常，豬皮，水尤魚，牛肉碎。味道普通，屬正常出品，但足料係事實。炸兩黎講個人比較喜歡淋淋地，索下d是油。而佢呢個，皮夠滑，介乎淋同脆之間，如果硬係要講都算外脆內軟，但脆得黎偏油。最正緊係醬料任落啦，隨自己喜愛調味，腸粉黎講醬料先係精髓所在。總結來說：粥$20屬正常價，炸兩都係10蚊，係呢個物價高到喊既時代，算好合理。我唔會話呢間抵食夾大件，只會係講街坊門可以多一個選擇。