佳餚美饌 (Closed)

是晚菜單： 蓮藕餅 龍蝦撈麵 粉絲蟹煲 豉椒炒蟶子 薑蔥炆斑頭腩 豉油雞 啫啫唐生菜 呢間佳餚美饌係朋友介紹，話抵食又免開瓶，好啦，有人生日又去試吓。 海鮮要預訂，最出名係個龍蝦麵。 可能知我哋肚餓，第一碟出場的竟然就係個龍蝦麵，用兩隻龍蝦拆肉，上湯煮，再加薑蔥、蝦子，粗麵墊底，確然幾好食，味道略鹹。 其他菜都陸陸續續上場，比較矚目係碟蟶子，因為平時啲菜館都係炒埋一碟就上枱，邊有人排到扇形咁好心機，味道好，也新鮮。薑蔥炆斑頭腩，好食，食咗一舊想再食都冇。 豉油雞，應該係新鮮雞，都幾鹹。 粉絲蟹煲 ok 啦。 總括嚟講，幾抵食 ，呢餐埋單＄3500 ，9個人。 雖然喺跑馬地，但係冇咩裝修，而且前身係茶餐廳，所以啲裝置有啲奇怪，仲會聽到廚房炒餸時的”哄哄聲”真係熱鬧。 另外，服務一般，又係嗰啲叫佢可以攞個生日蛋糕出嚟，係會連紙袋放上枱嗰隻， 大家想去的話就留意番要冇咩要求。