凱富菜館 (Closed)

今日食打冷，鰂魚涌英皇道有呢間潮洲菜館，裝修地道，有卡位又有圓枱，感覺幾適合大班人啤一啤。今日我地三個人食左好多嘢！煎蠔餅 $98蠔都幾多，煎得軟身，唔會好油。鹵水拼盤 $118呢個有好多款食物，有魷魚、豆腐、鵝掌、豬肉、豬耳等等！都幾入味啊。胡椒酸菜豬肚湯 $108豬肚湯酸酸地帶少許胡椒香。雙菇扒時蔬 $98係菜心！每餐飯最緊要有菜食～有埋菇就更完美。香煎牙帶魚 $128牙帶魚煎得脆脆，面頭調味鹹鹹地，感覺有啲似嫩肉版嘅鹹魚～配飯應該唔錯！今餐都食得好飽，人均$200左右。注意前菜花生係$15架。