Video
Read full review
2018-01-05
764 views
同另外一個留言一樣, 雖然開通左openrice acc 好耐但都係第1次寫食評, 估唔到係劣評, 曾經上過網搵呢個集團有冇電話或者email可以投訴但可惜唯有係openrice寫下劣評一則, 雖然呢類小酒樓可能唔care又或者唔會有人share黎睇, 不過希望如果呢間酒樓既集團總公司既人見到, 可以正視一下員工問題.其實呢個位係翠屏已經轉過手好多次, 不過今次呢間皇庭匯可以算係最差既一次, 小弟係翠屏住左廿多年第一次食到咁嬲.野食方面無咩大問題不過不失, 不過好多時會出現漏單或者上錯台情況, 前排新開張時間仲誇張可以等條魚等超過一小時, 不過而家已經有改善.但員工方面真係要好好培訓一下, 雖然大部分樓面都無咩問題而且仲好友善, 唯獨有一兩個真係好有問題. 事緣昨晚(4/1/18)我同屋企人4個落去食飯, 期間麻煩一位"身材較細小戴眼鏡既樓面姐姐"幫我地加一加茶, 當時佢拎住托盤行埋黎, 托盤上面仲有幾個透明膠蓋, 佢拎左我地壺茶去加, 之後壺茶就失左蹤 (呢到補充返少少: 我地一家差唔多每星期都會黎食最少一次晚飯, 大多樓面員工我地都認得, 呢一位樓面姐姐其實已經好多次係咁, 拎左去
其實呢個位係翠屏已經轉過手好多次, 不過今次呢間皇庭匯可以算係最差既一次, 小弟係翠屏住左廿多年第一次食到咁嬲.
野食方面無咩大問題不過不失, 不過好多時會出現漏單或者上錯台情況, 前排新開張時間仲誇張可以等條魚等超過一小時, 不過而家已經有改善.
但員工方面真係要好好培訓一下, 雖然大部分樓面都無咩問題而且仲好友善, 唯獨有一兩個真係好有問題. 事緣昨晚(4/1/18)我同屋企人4個落去食飯, 期間麻煩一位"身材較細小戴眼鏡既樓面姐姐"幫我地加一加茶, 當時佢拎住托盤行埋黎, 托盤上面仲有幾個透明膠蓋, 佢拎左我地壺茶去加, 之後壺茶就失左蹤 (呢到補充返少少: 我地一家差唔多每星期都會黎食最少一次晚飯, 大多樓面員工我地都認得, 呢一位樓面姐姐其實已經好多次係咁, 拎左去加茶又唔識拎返黎, 我地其實無怪責過佢, 可能佢工作忘一時唔記得, 我地有時咪提返佢幫我地拎返黎, 仲好友善唔該前唔該後), 咁佢今次又係咁, 但見佢幫緊另一台客我地就麻煩另一位樓面幫手拎返壺茶比我地, 事情就發生啦, 呢位眼鏡姐姐聽到我地話佢拎左壺茶去加無拎返黎, 係到一路幫另一台客整野一路講:「下? 又係我?!」佢語氣甚至係比我地覺得佢認為唔關佢事, 我地先出聲講返當時情況, 連佢拎住托盤 托盤上面有膠蓋我地都講得出, 點知佢竟然係繼續反駁:「唔關我事囉」之類既說話, 咁其實壺茶唔值錢我地又無怪過你我唔明呢d係咩服務態度, 我地講多兩講佢就話:「好好好就當我拎走當我唔岩啦下」, 嘩對唔住就算我平時自問好好禮貌對所有服務業都忍唔住同佢嘈起黎, 請問咩叫"當"呢? 點解明明係佢錯都可以係"當"係佢錯? 係當下扮委屈? 其實已經好多次係咁都無出聲, 今次出聲主要係為左佢咁樣反駁, 如果佢自己都可能笑笑口話係咩可能唔記得啦之類既說話都無咁嬲, 嬲到我當下係即刻搵男部長投訴, 只可惜男部長既答覆係「邊個唔岩邊個唔著都好啦 唔好意思」, 講真其實呢句一樣係毫無誠意可言, 不過唔關個部長事我又唔會怪佢, 就馬上上網搵電話搵email, 可惜既係實在搵唔到總公司電話, 唯有食完飯之後再同酒樓經理投訴, 回覆「哦, 大家街坊街里唔好咁嬲, 佢平時唔係咁可能有d事, 當比面我, 下次如果再有咁我會處理」, 都係唔多滿意嫁啦但至少有安撫到我先.
文長又唔關食物事, 但我覺得其實員工都好影響都食評, 我都做過飲食亦唔係想係今次呢件事上面搵著數, 都幫襯左廿幾年(雖然唔係同一間), 只係覺得我黎食野要咁樣受委屈係咩回事? 有睇其他幾個負評都有講到員工問題, 只係希望可以正視下唔好比員工趕客, 客人唔係大晒但我真係從來無話過果一位眼鏡姐姐, 點解反而要比佢扮委屈話我地屈佢? 如果唔係屋企人貪方便同食"人情味"我真係可能black list左呢間 皇庭匯 ,
希望下次唔會再受到呢種對待同"整古"(因為如果該酒樓既負責人或者員工睇到呢篇文相信會知我地係邊個, 因為真係每星期去食, 同埋個日咁投訴
Post