尚君如夢 (Closed)

收工經過，留意到呢間茶餐廳開左好耐，終於有機會嚟試下。餐廳位於灣仔與銅鑼灣交界既天樂里，地理位置夠哂方便。香蔥碎牛炒蛋牛角包牛角包夠哂熱，一上碟已經聞到好香，食落外脆內軟。炒蛋亦好嫩滑，唔會煮得太老。鮮茄火腿燴意粉以$36 嚟講，真係夠哂大碟。意粉本身撈左啲茄汁，食落偏軟身。咖喱牛腩飯咖喱唔算辣，牛腩口感幾軟腍，仲有薯仔等配料。跟餐可以揀中湯或西湯，勝在夠大碗。雜果賓治雜果真係落足料。飲落唔會太甜。龍鳳檸樂檸檬加鹹檸檬配埋可樂，夏天飲杯冰爽既野飲真係無得輸。