車仔麵之家 (Closed)

位於北角七姊妹道轉角位，地點當然唔起眼，但係每次經過，都發覺長期超多人排隊，小弟本着多人排隊當然好食嘅原則 ，今日我同細佬決定要排下隊……見排隊人龍 ，大部分都係附近街坊，因為對收銀員及服務員都有講有笑十分親切我們點了二碗車仔麵 豬紅，結實咬落爽口 豬皮好入味， 表皮豬毛清潔得好乾淨 豬大腸好企理， 好新鮮冬菇蘿蔔牛腩都夠水準我們了兩份鱿魚， 食落去好爽口彈牙。其實食車仔麵，食物新鮮好重要， 除此之外 就係街坊那股人情味， 令人心思思， 有空又要再試！