嚐館 (Closed)

黃大仙中心南館有間裝修唔錯嘅西式餐室，望一望餐牌選擇都多元化，中式、西式、日式、東南亞咖哩、煲仔飯、港式小炒、鐵板扒餐樣樣齊。餐廳附近都有好多屋村同屋苑，所以晚飯時間都有好多附近街坊街里黎食飯。上湯海鮮雜菜粉絲煲套餐 ($88)上湯海鮮雜菜粉絲煲份量都唔少，海鮮有魷魚、蜆仔同一隻青口，雜菜就有西蘭花、菜心、椰菜同菇類。所有材料用上湯連埋粉絲一齊煮熟，清清地，幾好食。燒汁茄子肥牛煲套餐($88)茄子用油炸過，食落唔怕好硬。茄子同肥牛都好掛汁，送飯一流。例湯（跟餐）今日例湯係紅蘿蔔粟米煲豬骨，湯水好清甜。飲品 凍檸茶，茶底香，檸檬夠。所有小菜套餐都會配埋白飯同例湯，熱飲加$12，凍飲加$15，特飲加$18。