東城酒家 (Closed)

去完旅行返黎，想食返啲香港美食，突然想食點心，去左呢間街坊酒樓食，訓左一個長覺，起身好肚餓，叫左好多嘢食。鴛鴦燒賣，兩樣都唔錯，黃色果個肉幾爽口，另一款牛肉燒賣，就同山竹牛肉差不多，都對味。左上 鮮竹卷 好唔得，包得好鬆散，餡係韮菜同蝦，唔似平時嘅料，亦無咁豐富。右上個紅油炒油個味亦古怪，個汁似豉油。蘿蔔糕普普通通。鹹水角幾鬆脆，熱辣辣，味道似樣，呢個好抵食。鳳爪較深色，味道普通。叉燒腸，都算幾多餡。雞扎件雞幾滑，有火腿冬菇同魚肚。當我地飽飽地時，最後先黎個魚香茄子炆米，份嘅份量非常多，淨係呢碟都夠兩個人午餐，但料就偏少，食落個味都唔錯，如果料同粉比例平衡啲就好啦。