大叻越南牛肉粉餐廳 (Closed)

公司附近新開的越南餐廳，同事推介，今晚放工便來試下。別看是間小店，原來晚市仲要排隊，味道應該唔會差。店內環境算係乾淨，牆上掛有菜品圖畫點綴，都有裝飾過，唔係求其。侍應很熱情，上菜速度也快，5分鐘內有得食，good晚市一人餐，$45一個飯/粉，送兩個越式絲網炸春卷加飲品，算抵食。今次叫左炭燒香茅雞扒飯。雞扒大大件，份量足。常見的炭燒雞扒 or 香茅雞扒就食過，唔知炭燒同香茅mix會係咩味？一啖雞扒入口，原來真係炭燒味+香茅味雞扒入味，不過鹹左小小，送飯就得。雞扒下面有蔬菜，仲有西生菜墊著，有心思。白飯不單單係白飯，上面有蔥粒同炸蒜，令白飯不那麼單調。成碟飯擺盤配菜中規中矩又不會太求其，作為一間平價越式餐廳已滿足期待。不過食食下有蒼蠅喺張檯度飛來飛去，睇來環境需要改善。如果附近冇乜嘢食，呢度都算唔錯的選擇。