黑木 (Closed)

今日男朋友話帶我去食好西 黎咗呢間廚師發板日式餐廳到食晚飯 餐廳座位就唔算多 所以最好要訂枱話明廚師發板 我哋乜嘢都唔使煩 一坐低就有嘢食 一共食咗大概十款嘢食 特別深刻嘅有汁燒鮑魚 因為鮑魚新鮮 又大隻又厚肉 保留到鮮嘅鮮味另外串燒雞肉棒都好味 夠肉汁 仲配左一隻溏心蛋溝埋食另外仲有一種串燒係燒豆卜上面加咗啲蟹膏蟹肉 豆卜燒到卜卜脆 面頭鋪滿蟹肉蟹膏 令人回味無窮而肉類嘅串燒亦有蝦醬燒豬腩肉 又香又惹味 食完好多款嘢食之後仲有個白姬松茸白布烏冬作為澱粉既主食 咁大塊烏冬我都係第一次食最後甜品仲有焦糖燒菠蘿同埋紅豆配綠茶蕨餅作結 菠蘿上既時候仲出緊煙 夠甜 好滿足