瀛風 (友愛街市) (Closed)

上咗朋友屋企傾計，講到咁上下，大家見肚餓，就落咗去買外賣，原來係友愛街市入面，有好多小店係賣熟食嘅。好，睇下有咩好食先。泡菜豚肉飯，豚肉份量好多，而家食落有豬味，肉質軟腍，唔會太多脂肪。咖哩吉列豬扒丼，原塊炸豬扒，上到屋企都仲好香脆，咖哩汁少少辣，拌飯一流。蟹肉忌廉薯餅，外皮好蘇脆，忌廉暖暖地好柔滑。七味唐揚子雞，炸得唔錯，咬落啖啖肉。跟飯有飲品，叫咗青蘋果荔枝綠茶，菠蘿草莓綠茶，甜甜地帶啲啲果味，飲完好涼快。