島.聚 (Closed)

坐係度望住窗外人來人往，室內環境卻寧靜舒適，自己慢慢嘆咖啡，食吓嘢，的確好大對比。灣仔都可以搵到咁樣一間cafe，仲要係鬧市中，講你都唔信。餐牌都幾多唔同選擇，套餐，甜品，小食，各類飲品都有。抹茶紅豆雪糕芭菲 $56紅豆，百力滋， Oreo 組合的雪糕芭菲好豐富，賣相吸引，人見人愛。芒果芝士蛋糕伴牛角窩夫 $68窩夫外脆內軟，除咗芒果，仲有芝士蛋糕伴碟，非常豐富。炸薯條配黑松露醬 $38粗薯條熱辣辣，外脆內軟，配黑松露醬香口開胃。牛油果燒雞漢堡配沙律及薯條 $68燒雞配牛油果配搭一流，燒雞夠大，牛油果夠多，仲有生菜番茄，食落完全冇膩的感覺。另配沙律同薯條，非常抵食。焦糖鮮奶咖啡拉花悅目，咖啡味略比焦糖味強一點。焦糖香草奶昔奶昔入口順滑，淡淡焦糖香味。