戀上台式料理

Open Now

Now Closed

之前食晏，寫個唔錯嘅食評，再喺OpenRice訂咗晚飯有七折，一路嘅服務、App落單體驗、飲品和一眾台式小食都有水準，可惜一到燒肉，就有好強烈嘅對比，無論質和量都大失所望，CP值低，鍾意食肉嘅人，真係唔好嚟呢度食燒肉啦，份量方面真係攝牙啦都唔夠，係室內冇抽油煙設備嘅情況下會搞到煙霧離漫，其他小食小菜滷肉飯其實大致上都冇乜問題，服務亦都唔錯，會再去，但係一定唔會食燒肉。上次都提過，餐廳門面有啲凌亂，今晚再睇清楚酒吧位置，同樣都係立立亂，今時今日其實要做大排檔都應該要清潔整齊㗎啦，何況呢間係有概念嘅餐廳，希望佢可以繼續努力有所改進，令食客對佢更有信心。