炸理滷味 (Closed)

星期五收工後總會約下朋友食飯傾計鬆下，特意相約係旺角食飯，因為都係大家收工既中間點，散去回家都方便得多。剛好大家唔算太餓又路經依間食炸物滷水店，所以入去食我地既晚餐，店鋪名字亦非常有趣，自不然令人想起粗言穢語，店名只係玩食字已令人留下深刻印象店內用左80-90年代既風格裝修，播著懷舊金曲聽住動人心弦既歌聲，令人食住野都感覺到原汁原味炸理雞肶雞肶夠哂大隻，淨看已感到非常香脆，炸至金黃色，食落皮脆可口，肉嫩多汁無肥膏，凍左個外皮都仲脆卜卜，夠哂邪惡炸理芝心海龍波波其實係芝士蝦丸，原來每日限量供應，店員話最後一份都賣埋比我地，好在我地幸運地叫到，一份有五粒，粒粒都大大粒，炸得外脆，咬落好彈牙，芝心仲有少少拉絲，點埋青瓜酸瓜沙律醬食好滋味炸理十串一共有十串各不同既串燒，每串都炸得剛剛好，食落薄粉脆口，完全唔會覺得厚粉，另外配左串燒醬汁點住食炸串和牛粒: 炸牛粒確實第一次食，牛味十足，口感軟熟午餐肉: 平時食午餐肉都係煎香黎食，第一次食炸午餐肉，仲要厚切，食落啖啖肉蓮藕: 咬落爽脆可口，幾過癮黑豚五花腩: 燒五花腩就食得多，估唔到炸都唔錯，肉嫩多汁，豚味濃郁另外仲有玉子、多春魚、粟米仔、櫻花芥末