sensory ZERO (馬哥孛羅香港酒店)

Open Now

Now Closed

幾次同朋友提起想食尖沙咀間Sensory Zero，朋友嘅反應都係：「乜連卡佛入面有間咁嘅嘢？係咪好貴嫁？連卡佛喎！」今日咁啱係誠品上完Workshop，決定要去試試佢。鋪頭佔據一個角落，我哋等左兩個字左右就有位。叫左三樣嘢，兩杯嘢飲。- 雙份滑蛋牛角包幾乎成間餐廳都係度食緊。全店選用日本蛋，唔知係咪因為選材上乘，個滑蛋非常滑溜，仲帶小小甜。個牛角包亦不得不提，即使比個咁Juicy嘅滑蛋冚住，咬落仍然脆口，最重要嘅係佢表層唔會太油，唔會食到成手油淋淋。成個包嘅重點係入面個個牛油芥末醬，芥末味適當咁中和左牛角包同滑蛋嘅膩，令人愈食愈開胃，真係食多個都仲得！- 慢煮雞胸肉藜麥沙律由Super foods組成，又有藜麥，又有紅菜頭，而且份量十足，勁啱我呢啲長期減肥人士食。加上個冚面嘅個慢煮雞胸又多又嫩，佢切得厚厚地，口感好正！美中不足係雞胸略嫌淡味左小小，自己再落啲調味料就perfect。- 日式芝麻手羽先四隻全翼新鮮炸起，而且佢隻雞翼啖啖肉，配埋芝麻香，非常適合下酒！呢間絕對係性價比高嘅餐廳，仲要全間餐廳選用日本蛋同日本米，待應們服務亦都好好，有機會絕對要一試！