營足四季

Open Now

Now Closed

朋友上月問我，觀塘泰菜邊間好味，我就遺忘了介紹這間。以露營主題chill住食的咖啡店，依間確實提供的美食都幾多元化，除了All Day Breakfast 西餐好好味外，泰國菜都不錯的，場內播放泰歌，chill下食下真寫意。牛油果蟹肉他他脆餅 $98脆餅脆卜卜，加上一篤軟滑的牛油果蓉，混有蟹肉絲和紫洋蔥，口感豐富美味，仲有三文魚籽點綴，係幾特別清新的小食。泰式拼盤 $238拼盤有豬牛雞串燒各兩串、燒菠蘿、生菜包和蝦片。串燒厚肉微焦，伴有沙嗲醬可沾惹味，唔沾其實都好夠味。燒過的菠蘿變得特別軟腍多汁，香甜可口。生菜包有香辣豬肉碎加持下，開胃好食，相當正宗泰式味道，辣度剛好，俾讚。蝦片脆卜卜有味唔錯。黃咖喱配炭燒雞扒飯 $85主角炭燒雞扒燒得幾好，外皮薄而香脆，肉質嫩又彈牙，水準不俗。黃咖喱汁香甜美味，撈飯食超正，最鍾係用上珍珠米，口感煙靭粒粒分明，沾滿汁好好味，仲可以不補錢下要求多飯，抵。菠蘿芒果沙冰 $38果味香甜，唔會好甜，沙冰飲落啖啖涼透心。椰汁冰 $32椰奶味突出，朋友話唔錯。