古早牛肉麵 (Closed)

晚市搵下有咩好食。見到咁多like 話去試下，叫左一個牛肉麵同雞排肉燥飯，蚵仔煎加一杯奶蓋烏龍，首先要說明呢間餐廳光速般咁上菜，亦光速般咁收盤先。七點幾呢個食飯時段都好多吉位既，麵到，好香呀不過飲落湯係冇咩味只有些少藥善味，飲品奶蓋冇味茶都冇味（當然本人深信係溝水），雞排正常所謂肉燥就勁喇，乾真真同罐頭肉燥既味道一樣，個蛤仔煎得四粒蠔仔，大粒指甲少少，木薯粉勁多，雞蛋都唔多隻，上碟入面仲出緊水，真係好難食，仲要$46，毫無誠意，簡直呃錢！所以對呢度既食評真係好好好懷疑，浪費左我寶貴時間同錢。