Piano Piano Cafe

Open Now

Now Closed

小店入面嘅擺設全部都好有特色，睇返門口嘅餐牌，主打pancake，圖片絕對吸引到我同朋友入去😬以下係二人餐內容：煙三文魚藜麥沙律~只係賣相已經好高分，整個沙律嘅調味都非常和諧，煙三文魚油脂配搭藜麥、沙律菜，可以做出不同口感蒜香奶油蝦意粉~意粉軟硬適中，每一條都沾上香濃嘅蒜味奶油汁醬，蝦更加每一隻都非常彈牙！尺寸亦都唔細！炸單骨雞翼~雞翼大點微辣,唔需要點任何醬料，亦已經夠曬味，辣味可以刺激到味蕾，令食欲大增！玫瑰蜜桃果茶、芙香蘋果果茶~兩款果茶都用茶包，乾淨企理，內裏嘅真切嘅果香實在令人回味！草莓厚鬆餅~賣相一流！鬆餅配埋cream同生果，酸酸甜甜、香香滑滑，蛋味仲非常濃郁添！因為實在太吸引嘅關係，所以追加咗單點嘅pancake😬紅豆抹茶厚鬆餅~抹茶粉灑滿整個pancake，由於抹茶帶有苦味，絕對係成人先懂得品嚐！店家用上粒粒飽滿且香甜既紅豆，中和呢一種特別嘅苦味，整件事非常完滿！