Pastime

Open Now

Now Closed

餐廳裝修係希臘小屋風，藍白色主調，望落幾舒服，仲有個室外用餐區，不過限制多多，所以都係坐室內算。其實入餐廳果陣預期係有人帶位落單，但等左陣行入去收銀問先知自助，搵到位坐低等左陣有店員比個QR Code自助落單。① 卡邦尼水波蛋意大利粉 $78好食Creamy既卡邦尼，不過份量幾細份。② 帶子藍青口墨魚汁意大利飯 $88三隻青口加一隻煎香大帶子，意大利飯味道唔錯。午餐配是日餐湯或沙律以及$35飲品，即係熱花茶或熱咖啡。朋友點了洋蔥湯，我就揀左雜果沙律，個沙律望落幾豐富，但食落只有意大利黑醋味。之後我加左$18試杯佐藤園焙茶鮮奶，味道幾香，不過半杯冰，飲幾啖就無左，真係幾掠水。呢個Lunch食左成舊水，無乜Service又食唔飽，而且唔係特別出色，性價比偏低。