Video
Read full review
2011-10-29
227 views
早兩日師傅忽然間近近地黎個快食叉燒飯, 但喺呢個環頭選擇真係唔多, 諗到腦都爆之際, 突然間想起呢間食店最近新裝修過, 之後仍未試過, 於是師傅決定比次機會佢, 睇下裝修後有咩改變先?時間比較早, 所以食店內並唔算多人, 侍應查問下就安排座位, 呢個招呼未裝修前肯定冇的, 所以感覺尚算良好! 坐底後即刻睇下個餐牌, 發覺食物款色和種類冇咩點變, 變得最多一定係價錢! 諗左一陣最後決定要碟叉燒紅腸飯, 點解要諗? 咪就係單拼同雙拼, 單拼三十八, 雙拼四十, 反正都係爭兩雞, 雙拼就雙拼啦!落完單, 等左一陣就有得食, 等嘅時間又唔算太耐, 接受到! 叉燒紅腸飯賣相都幾吸引, 齋睇樣都幾好, 仲有幾條菜心伴碟, 於是師傅先試菜心, 未知菜心未熱身定怕生保, 入口發覺佢勁新硬, 基本上一啲都未準備好, 差! 而叉燒真係燒得幾香, 肉身鬆軟但外邊頗硬, 有少少燒過龍, 所以較乾身, 可幸味道有蜜味, 香香甜甜但唔會太甜, 接受到; 至於紅腸切得好薄, 所以感覺好似份量好多, 紅腸肉質幾硬身, 又唔香, 好一般! 值得一提係呢度辣椒油都幾香辣, 辣皮油都幾有水準!總括黎講叉燒紅腸飯質素一般,
時間比較早, 所以食店內並唔算多人, 侍應查問下就安排座位, 呢個招呼未裝修前肯定冇的, 所以感覺尚算良好! 坐底後即刻睇下個餐牌, 發覺食物款色和種類冇咩點變, 變得最多一定係價錢! 諗左一陣最後決定要碟叉燒紅腸飯, 點解要諗? 咪就係單拼同雙拼, 單拼三十八, 雙拼四十, 反正都係爭兩雞, 雙拼就雙拼啦!
落完單, 等左一陣就有得食, 等嘅時間又唔算太耐, 接受到! 叉燒紅腸飯賣相都幾吸引, 齋睇樣都幾好, 仲有幾條菜心伴碟, 於是師傅先試菜心, 未知菜心未熱身定怕生保, 入口發覺佢勁新硬, 基本上一啲都未準備好, 差! 而叉燒真係燒得幾香, 肉身鬆軟但外邊頗硬, 有少少燒過龍, 所以較乾身, 可幸味道有蜜味, 香香甜甜但唔會太甜, 接受到; 至於紅腸切得好薄, 所以感覺好似份量好多, 紅腸肉質幾硬身, 又唔香, 好一般! 值得一提係呢度辣椒油都幾香辣, 辣皮油都幾有水準!
總括黎講叉燒紅腸飯質素一般, 環境光猛舒服, 服務就有善, 價錢唔算平, 四十蚊雙拼, 仲要加一蚊茶錢, 真係有少少屈, 唔抵食! 最後師傅得出一個結論, 係裝修前後除左外觀同價錢有唔同外, 其他都係咁上下, 所以笑臉就一定比唔到, 再黎機會都唔大!
Post
