Video
Read full review
2023-09-15
200 views
經過左呢間舖頭好多次, 但因為佢係地庫, 唔知佢內面係點, 所以次次都冇試到. 今日唔知食乜好, 見佢都唔係好貴, 就試下.沿住扶手電梯落地庫, 有幾棵紅葉樹, 綠業植物同酒櫃做裝飾, 店內播住輕快既純音樂, 好有風情.佢LUNCH SET都有10個選擇, 價錢由$68-298都有. 我叫左肉沬茄子飯餐($68) 配神品巨峰烏龍茶再加$38將本身既紫菜豆腐湯轉做金不換干貝螺頭燉雞湯. 另外本身個LUNCH SET都配左兩份前菜.前菜: 1. 酸薑同青瓜. 青瓜略為太重味。如果淡味啲會更醒胃。2. 糖心蛋. 真係做到糖心效果. 好味肉末茄子：茄子炸得夠透身，色澤靚，夠淋滑。肉末加咗冬菇絲喺入邊，唔錯，但個人覺得鹹咗少少。金不換干貝螺頭燉雞湯：平時我都有喺街買老火湯/燉湯飲. 呢個加$38其實好抵，佢好足料，真係有好多雞粒，幾片淮山，兩粒螺頭，幾片薑片，少少干貝絲，紅棗同金不換。湯夠熱夠濃。神品巨峰烏龍茶：諗住呢個茶飲唔使加錢應該一般般啦，點知佢係用玻璃茶壺裝仲有一個木墊，外型優雅。茶味香濃。值得一讚係我食晒個飯先飲啲茶都仲係好熱。總括嚟講，味道ok, 但如果加埋環境同個價錢，我覺
沿住扶手電梯落地庫, 有幾棵紅葉樹, 綠業植物同酒櫃做裝飾, 店內播住輕快既純音樂, 好有風情.
佢LUNCH SET都有10個選擇, 價錢由$68-298都有. 我叫左肉沬茄子飯餐($68) 配神品巨峰烏龍茶再加$38將本身既紫菜豆腐湯轉做金不換干貝螺頭燉雞湯. 另外本身個LUNCH SET都配左兩份前菜.
前菜: 1. 酸薑同青瓜. 青瓜略為太重味。如果淡味啲會更醒胃。2. 糖心蛋. 真係做到糖心效果. 好味
肉末茄子：茄子炸得夠透身，色澤靚，夠淋滑。肉末加咗冬菇絲喺入邊，唔錯，但個人覺得鹹咗少少。
金不換干貝螺頭燉雞湯：平時我都有喺街買老火湯/燉湯飲. 呢個加$38其實好抵，佢好足料，真係有好多雞粒，幾片淮山，兩粒螺頭，幾片薑片，少少干貝絲，紅棗同金不換。湯夠熱夠濃。
神品巨峰烏龍茶：諗住呢個茶飲唔使加錢應該一般般啦，點知佢係用玻璃茶壺裝仲有一個木墊，外型優雅。茶味香濃。值得一讚係我食晒個飯先飲啲茶都仲係好熱。
總括嚟講，味道ok, 但如果加埋環境同個價錢，我覺得佢性價比高。如果同朋友傾偈，呢度係一個合適嘅地方。
Post
