翠華冰廳 (Closed)

成日蒲荃灣嘅我，知道荃灣廣場開咗翠華一排，今日終於嚟幫襯啦。我係下午茶時間嚟嘅，有窗口嘅卡位坐，有啲日光好舒服。下午茶時間有唔少下午茶選擇，有常餐啦、亦有啲幾吸引嘅三文治。我自己就嗌咗個常餐。因為好想食炒蛋同多士。冇失望，個炒蛋份量都幾多同埋好滑，多士烘得幾好，唔會有太乾或者太濕嘅情況出現。個雞絲蕃茄米粉亦都幾好食，而家轉左隻新嘅米粉，同街嗰啲唔同幾得意。鍾意嚟翠華，另一個原因係佢成日有特飲，今日我試咗個蛋白杏仁露，好啱冬天飲。