1號冰室 (Closed)

自從入住紅磡理工宿舍後，我就訂下了要吃遍紅磡及黃埔一帶內大部分餐廳的目標。今日上下午堂之前就到依到食個午餐。「1號冰室」開張左唔係好耐，所有野都好新淨，裝修以藍色同木色為主調，配搭有一點特色嘅椅桌，環境睇落好融洽同舒適。室內掛左多部顯示屏顯示餐牌，方便點菜選擇同為餐廳增添動感；仲有大電視可以食電視睇飯。我叫左個午餐蒜香蔥油雞配白飯，有倒湯有熱飲。油雞好新鮮滑嫩，肥瘦適中。配合香蒜同香蔥既鮮香進食味道好好。飲品叫左嘅杏霜幾高質，味道濃郁，表面能凝結出一層杏霜膜。湯亦正正常常唔錯，唔會太咸同有味精感。作為52蚊嘅午餐實在okay，唔會係貴但都未去到抵。