花臣車仔麵 (Closed)

黑布間開左間車仔麵，裝修幾特別，所以就去試下啦。行到入去其實真係唔似車仔麵店，有隻星球大戰士兵企左喺度。地下由嗰層無乜位，不過因為早去，所以都係坐地下嗰層。我估佢地本身想客人自己點食物，因為收銀有部iPad對住客人但無開機，所以我都係用番最老套嘅方法，圈紙仔。款式嚟講都唔算少，而且有啲特別啲嘅野食㨂下，例如玉子蛋、瑞士雞翼、日式叉燒等。上菜係幾靚仔，不過味道就一般，唔係太入味，可以接受同有進步空間。另外我懷疑佢俾錯左日式叉燒我⋯我係想食牛腩。價錢就中規中矩。如果考慮埋餐廳裝修同環境，可以一試嘅，因為都坐得舒服，無人趕無人迫。