Video
Read full review
2004-09-12
0 views
今日同媽咪黎食tea. 三點三黎到, 多人到要等位.我地叫左兩個tea set, 媽咪要黑椒一口牛意粉, 我就要左個鮮果雪糕窩夫, 可以自選兩球雪糕. 我問佢可唔可以揀日本雪糕, 佢話每加五蚊就可以轉一球日本雪糕, 咁我就加左五蚊要左芝麻雪糕, 另外就揀左芒果雪糕.一路等食物時, 我地身邊不斷有d廚房女工攞住茶餐廳用黎洗碗碟o個d灰色大盤行黎行去, 雖然成間餐廳都係水晶大吊燈, 但係我o既感覺就好似o係茶餐廳裡面等緊野食咁.另外, 現場好多人都叫o既招牌high tea set, 遠睇個high tea 架好似好grand咁, 但係睇下個menu, 我覺得d食物其實就係平時茶餐廳會叫o既小食, 只不過係用一個high tea架盛住. 意粉上先, 賣相都係似茶餐廳o既炒意粉, 唔太討好, 但係食落個牛肉好腍, 係靚牛柳, 唔係用梳打粉"拿"出, 質素幾好. 過左一陣, 我個窩夫都上檯. 呢個賣相幾靚. 正方形o既窩夫, 脆身質感, 似日式cafe o個種, 配埋朱古力sauce食, 幾好. 芝麻味雪糕係一貫日式cafe質素, 但係個芒果味就係dairy farm貨色, 下次情願加多五蚊換
我地叫左兩個tea set, 媽咪要黑椒一口牛意粉, 我就要左個鮮果雪糕窩夫, 可以自選兩球雪糕. 我問佢可唔可以揀日本雪糕, 佢話每加五蚊就可以轉一球日本雪糕, 咁我就加左五蚊要左芝麻雪糕, 另外就揀左芒果雪糕.
一路等食物時, 我地身邊不斷有d廚房女工攞住茶餐廳用黎洗碗碟o個d灰色大盤行黎行去, 雖然成間餐廳都係水晶大吊燈, 但係我o既感覺就好似o係茶餐廳裡面等緊野食咁.
另外, 現場好多人都叫o既招牌high tea set, 遠睇個high tea 架好似好grand咁, 但係睇下個menu, 我覺得d食物其實就係平時茶餐廳會叫o既小食, 只不過係用一個high tea架盛住.
意粉上先, 賣相都係似茶餐廳o既炒意粉, 唔太討好, 但係食落個牛肉好腍, 係靚牛柳, 唔係用梳打粉"拿"出, 質素幾好. 過左一陣, 我個窩夫都上檯. 呢個賣相幾靚. 正方形o既窩夫, 脆身質感, 似日式cafe o個種, 配埋朱古力sauce食, 幾好. 芝麻味雪糕係一貫日式cafe質素, 但係個芒果味就係dairy farm貨色, 下次情願加多五蚊換多球日式雪糕.
餐茶杯咖啡都幾好.
埋單原來唔駛加一, 兩個人都只係$70度, 幾抵.
總括黎講, 食物質素其實幾好, 但係如果佢地想o係呢個area創出一個高級cafe, 我諗佢地要重新諗諗計。
Post